BOZOR IQTISODIYOTIDA IJTIMOIY FONDLAR, ULARNING TURLARI VA MANBALARI

Abstract

Ushbu maqolada bozor iqtisodiyoti sharoitida ijtimoiy fondlarning iqtisodiy va ijtimoiy hayotdagi o‘rni, ularning shakllanishi, faoliyat yuritish mexanizmlari hamda moliyaviy manbalari chuqur tahlil etilgan. Ijtimoiy fondlar aholini ijtimoiy himoya qilishda, aholining ehtiyojmand qatlamlariga yordam ko‘rsatishda va iqtisodiy barqarorlikni ta’minlashda muhim vosita sifatida namoyon bo‘ladi. Ishda ijtimoiy fondlarning asosiy turlari — davlat pensiya fondi, sog‘liqni saqlash fondi, bandlikka ko‘maklashish va ishsizlikni sug‘urtalash fondlari, hamda boshqa turdagi ixtisoslashtirilgan fondlar alohida o‘rganilgan. Shuningdek, bu fondlarning shakllanish manbalari – soliq tushumlari, ish beruvchilar badallari, byudjet ajratmalari va boshqa moliyaviy resurslar yoritilgan. Tadqiqot davomida rivojlangan davlatlar tajribasi asosida fondlarni samarali boshqarish yo‘llari, ularning iqtisodiy barqarorlik va ijtimoiy adolatni ta’minlashdagi roli ham yoritiladi. Ish yakunida ijtimoiy fondlar faoliyatini yanada takomillashtirish bo‘yicha xulosalar va amaliy tavsiyalar berilgan.