KOMBINATORIKA MASALALARINI YECHISHNING SAMARALI USULLARI

Abstract

Xozirgi vaqtda yurtimiz uchinchi renesans davri ilm fan taraqqiyoti bosqichida. Taraqqiyotni rivojlanishida matematik fikr o‘ziga xos o‘ringa ega ekanligi barchaga ma’lum.Shuning uchun bugungi kunda respublikamizda matematika faniga katta e’tibor berilmoqda. Oliy ta’lim muassasalariga kirish imtixonlariga 10 ta majburiy matematika masalalarini kiritilishi ham shundan bir misol desak bo‘ladi.

Bu esa Oliy ta’lim muassasalariga matematika fanidan o‘quvchilarni tayyorlash uchun yetarlicha tayyorgarlik talab qiladi. Abituriyentlar va hattoki ustozlar ham yillar davomida qattiq mehnat qilishi, o’z ustida ishlashning samarali usulini o’ylab topishi zarur. Masalalarni yechishda kombinatorika mavzusiga doir masalalar o‘quvchilar uchun qiyinchilik keltirib chiqarmoqda. Shuning uchun maqola mavzusi bugungi kundagi dolzarb mavzulardan biri hisoblanadi.

Maqolada, abituriyentlar tomonidan ko‘plab savollar keltirib chiqargan ayrim misollarni yechilishi bo‘yicha ma’lumotlar keltirib o‘tilgan, ularni oliy ta’lim muassasalariga tayyorlanish  mashg‘ulotlaridagi dolzarb o‘rni, hozirgi kunda kirish imtixonlarida qo‘llanilishi, yurtimizga bo‘lajak vatanparvar va yetuk ilmiy kadrlarni tayyorlashdagi, ularning ilmiy ongini o‘stirishdagi ahamiyati ochib berilgan.

Matematika mashg‘ulotlarida sodda kombinatorika masalalarini o‘quvchilar imkoniyatidan kelib chiqqan xolda yoritish mumkin. Biroq bugungi kunda mazkur mavzu bo‘yicha o‘zbek tilidagi adabiyotlar juda kam.

Mazkur maqolaning maqsadi va vazifalari oliy ta’lim muassasalariga tayyorlanuvchi abituriyentlarga kombinatorika mavzusiga doir masalalar yechish haqida ma’lumot berish hamda, ushbu mavzuning qo‘llanilishiga doir namunaviy misollar yechib ko‘rsatishdan iboratdir.