TURKIYADA GENDER TENGLIK: OTATURK ISLOHOTLARIDAN BUGUNGI REALLIKKA QADAR

Abstract

Maqolada zamonaviy Turkiyada gender tenglik, ayollar va erkaklarning bandligi (ish bilan ta'minlanganligi) va unga ta'sir qiluvchi omillar, ijtimoiy- iqtisodiy tuzilmalar, siyosiy jamiyatda ayollarning faoliyati haqida so‘z boradi. Shu oʻrinda ayollar va erkaklar ta'limda bir xil imkoniyatlarga ega emasligi ta'kidlanadi. Ayniqsa, qishloq va shahar hududlari o‘rtasida bu tengsizlik yanada sezilarli. Maqolada Shimoli-sharqiy Anadolu, Markaziy Anadolu, Janubi-sharqiy Anadolu va Sharqiy Qora dengiz mintaqalarida ayollar ta'lim darajasining pastligi va buning natijasida ularning bandligi ham kam ekanligi qayd etilgan. Ayollarning ta'limi va bandligiga oilaviy majburiyatlar va gender rollari jiddiy ta'sir ko‘rsatishi tushuntirlgan. Ayollar bandligini oshirish uchun qabul qilinishi kerak bo‘lgan siyosiy va ijtimoiy choralar haqida fikr yuritiladi. Bu choralar orasida ta'limdagi hududiy tengsizlikni bartaraf etish, gender asosida kasblarni ajratishdan voz kechish va bir xil ish uchun erkak va ayollarga teng maosh to‘lash kabi masalalar ko‘rsatilgan. Umumiy qilib olganda, maqola ayollar bandligini oshirishning ahamiyati va bu boradagi muammolarni yoritib beradi.