SAID AHMADNING “KELINLAR QOʻZGʻOLONI” KOMEDIYASIDAGI OBRAZLAR PSIXOLOGIYASI VA IJTIMOIY TAHLIL

Abstract

Ushbu maqolada Said Ahmadning “Kelinlar qoʻzgʻoloni” komediyasidagi asosiy obrazlarning psixologik portreti, ularning jamiyatdagi ijtimoiy roli, ichki ziddiyatlari va o‘zgarish dinamikasi tahlil qilinadi. Asarda ayollarning oiladagi o‘rni, patriarxal tuzumning bosimi, erkaklarning betarafligi, hamda qadimiy urf-odatlar bilan zamonaviylik o‘rtasidagi qarama-qarshiliklar obrazlar orqali yoritiladi. Har bir qahramon orqali muallif o‘z davridagi ijtimoiy stereotiplarni so‘roq ostiga oladi va jamiyatda islohot zarurligini ta’kidlaydi. Komediyadagi kulgi vositasi orqali muhim ijtimoiy muammolar yoritiladi, bu esa asarni o‘quvchiga nafaqat kulgu, balki teran fikr ham bag‘ishlovchi badiiy asarga aylantiradi. Maqolada har bir qahramonning psixologik holati, ichki iztiroblari va o‘zgaruvchanligi ilmiy asosda tahlil qilinadi. Tadqiqot ayol shaxsiyatining kuchi va jamiyatdagi o‘zgarishlarga bo‘lgan intilishlarini ochib beradi.