MAKTABGACHA TA’LIM TASHKILOTLARI DIREKTORLARINING IMIDJINI SHAKLLANTIRISH MEXANIZMLARI

Abstract

Bugungi kunda maktabgacha ta’lim tashkilotlari (MTT) jamiyat hayotida tobora muhim o’rin egallab bormoqda, ularning samarali faoliyati esa ko’p jihatdan rahbarlarning boshqaruv salohiyatiga bog’liq. Bu jarayonda MTT direktorining professional va shaxsiy imidji hal qiluvchi ahamiyat kasb etadi, chunki rahbarning ijobiy imidji MTMning obro’sini oshiradi, pedagogik jamoaning motivasiyasini kuchaytiradi, ota-onalar va keng jamoatchilikning ishonchini qozonadi hamda ta’lim-tarbiya sifatiga ijobiy ta’sir ko’rsatadi.

Ushbu maqola MTT direktorlarining samarali imidjini shakllantirishning nazariy asoslari va amaliy mexanizmlarini tahlil qilishga qaratilgan. Tadqiqot doirasida imidj, imidjmeyking tushunchalarining mohiyati, uning pedagogik va boshqaruv faoliyatidagi o’rni, shuningdek, uni shakllantiruvchi asosiy omillar xorijiy va mahalliy adabiyotlar tahlili asosida o’rganilgan. Maqolada rahbar imidjini shakllantiruvchi asosiy komponentlar: professional kompetentlik, kommunikativ mahorat, etika va qadriyatlarga rioya qilish, liderlik qobiliyatlari, tashkiliy madaniyat, tashqi ko’rinish madaniyati hamda ommaviy axborot vositalari bilan ishlash kabi asosiy mexanizmlar batafsil ko’rib chiqiladi. Shuningdek, rahbarning o’z-o’zini rivojlantirish va doimiy o’rganishning imidj shakllantirishdagi ahamiyati hamda raqamli texnologiyalardan foydalanish imkoniyatlari yoritiladi.