OLIY TAʼLIM MUASSASALARIDA TARBIYACHI PEDAGOGLARNING KASBIY MAʼNAVIYATINI YUKSALTIRISH VA ULARNING TAʼLIM JARAYONIDAGI ROLI

Abstract

Ushbu maqolada oliy taʼlim muassasalarida faoliyat olib borayotgan tarbiyachi pedagoglarning kasbiy maʼnaviyati va ularning taʼlim jarayonidagi o‘rni tahlil qilinadi. Pedagog shaxsining axloqiy qadriyatlari, kasbiy burchiga sadoqati va shaxsiy namunadorligi ta’lim sifati va tarbiyaviy samaradorlikka bevosita ta’sir ko‘rsatadi. Maqolada kasbiy ma’naviyatni yuksaltirishning samarali yo‘llari, xususan, ma’naviy-ma’rifiy mashg‘ulotlar, psixologik treninglar, mentorlik tizimi va etika asosidagi yondashuvlar keltirilgan. Shuningdek, amaliy kuzatishlar asosida oliy ta’lim muassasalarida tarbiyachi pedagoglarning ijtimoiy ta’siri, talabalar bilan munosabatlari va kasbiy ma’naviy saviyasi baholangan. Yakunda tarbiyachi pedagoglarning kasbiy va axloqiy yetukligi ta’lim-tarbiya jarayonining sifatli va samarali bo‘lishida hal qiluvchi omil ekanligi asoslab berilgan.