МЕТАБОЛИК СИНДРОМ ЮЗАГА КЕЛИШИДА ҲУЛҚИЙ, ИЖТИМОИЙ ХАВФ ОМИЛЛАРИНИНГ АҲАМИЯТИ

Abstract

Юрак-қон томир касалликлари (ЮҚТК) катта ёшдаги аҳоли орасида ўлим ва ногиронликнинг асосий сабабчиси бўлиб, тиббиётнинг долзарб муаммоларидан бири ҳисобланади. Бугунги кунда мазкур касалликларни барвақт аниқлаш, уни юзага келишига сабабчи омилларни саралаш тиббиётда ўтказилаётган тадқиқотларнинг муҳим йўналишларидан биридир. Метаболик синдром ЮҚТК хавф омилларининг кластери бўлиб, унинг оқибатида ЮҚТК ва 2 тип қандли диабет ривожланиш эҳтимоли 2-5 баробарга ошади. Шу сабабли МС ривожланишига сабабчи омилларни эрта аниқлаш ва бартараф этиш ЮҚТКнинг профилактикасида муҳим ҳисобланади.