IQLIM O‘ZGARISHINING HAYOT FAOLIYATIGA TA’SIRI

Abstract

Mazkur tezisda iqlim o‘zgarishining inson hayot faoliyati, biosfera barqarorligi va tabiiy resurslardan foydalanish jarayonlariga ta’siri keng yoritilgan. Iqlimo‘zgarishi natijasida Yer haroratining o‘sishi, qurg‘oqchilik, muzliklarning erishi, cho‘llanish, suv tanqisligi hamda tabiiy ofatlarning ko‘payishi kabi hodisalar global miqyosda kuzatilmoqda. O‘zbekiston hududida ham oxirgi yillarda harorat 1,5°C ga oshgan bo‘lib, bu qishloq xo‘jaligi, suv xo‘jaligi va inson salomatligiga salbiy ta’sir ko‘rsatmoqda. Shuningdek, maqolada ekologik inqirozning ijtimoiy va iqtisodiy oqibatlari, biologik xilma-xillikning kamayishi, yangi kasalliklar paydo bo‘lishi, oziq-ovqat xavfsizligi bilan bog‘liq masalalar tahlil qilinadi. Iqlim o‘zgarishining oldini olishda qayta tiklanuvchi energiya manbalaridan foydalanish, yashil iqtisodiyotga o‘tish, o‘rmonzorlarni tiklash va ekologik ta’limni kuchaytirish muhim omil sifatida ta’kidlanadi.