INTERNETNING YOSHLAR IJTIMOIY XULQ-ATVORIGA TA’SIRI MASALALARINING XORIJ VA MAHALLIY OLIMLAR TOMONIDAN O‘RGANILISHI

Abstract

Internet paydo bo‘lgandan beri ba’zilar uni ijobiy baholashsa, ba’zilar salbiy tomonlarini gapiradi. Bu mavzudagi maqbul qarash shuki, Internet ham televizor, radio kabi bir vosita. Uni yaxshilikka ishlatsak yaxshi, yomonlikka ishlatsak yomon narsaga aylanadi. Bu yerdagi eng muhim omil – inson omilidir. Chunki inson bir paytning o‘zida to‘g‘ri ma’lumot ham, noto‘g‘ri ma’lumot ham tarqatishi mumkin. Uning muqobilida o‘quvchi-yoshlar tushunib-tushunmay har qanday yaxshi yoki yomon ma’lumotni qabul qilib olishi mumkin. Demak, o‘qituvchi-murabbiylarning muhim vazifasi – Internetdan foydalanayotgan yosh avlodga to‘g‘ri yo‘lni ko‘rsatish, zararli oqibatlardan ogohlantirishdir. Boshqa tomondan esa ijtimoiy tarmoqlarda milliy qadriyatlarimizga zid g‘oyalarni targ‘ib qilayotgan shaxslar ta’siriga tushmaslik yo‘llarini o‘rgatishdir.