ADOLATLI JAMIYAT QURISHDA FALSAFANING ROLI.

Abstract

Ushbu maqolada adolatli jamiyat qurishda falsafaning o‘rni va ahamiyati tahlil qilingan. Adolat tushunchasining falsafiy mohiyati qadimgi mutafakkirlar — Platon, Aristotel va zamonaviy faylasuf Jon Roulz qarashlari asosida yoritilgan. Maqolada falsafaning axloqiy qadriyatlarni shakllantirish, inson tafakkurini rivojlantirish hamda ijtimoiy adolatni ta’minlashdagi nazariy va amaliy roli ochib berilgan. Shuningdek, O‘zbekiston taraqqiyot strategiyasida adolat tamoyillarining ifodasi tahlil qilinib, milliy falsafiy merosda adolat g‘oyasining ahamiyati ko‘rsatib o‘tilgan. Tadqiqot natijalari shuni ko‘rsatadiki, adolatli jamiyat qurish jarayonida falsafa inson tafakkurini yuksaltirish, ma’naviy uyg‘unlikni ta’minlash va ijtimoiy barqarorlikni mustahkamlashda muhim nazariy asos bo‘lib xizmat qiladi.