PYTHON DASTURLASH TILINING RIVOJLANAYOTGAN DAVLATLAR IQTISODIYOTIDAGI O'RNI.

Abstract

Dasturlash tillari zamonaviy texnologiyalar va iqtisodiyotni rivojlantirishda muhim rol o'ynamoqda. Python ko’p funksiyali kutubxonalarga boy va o’rganish uchun qulay va sodda dasturlash tili sifatida dunyo miqyosida dasturiy ta’minot yaratishda inqilob qilib kelmoqda. Rivojlanayotgan davlatlarda python dasturlash tili ko'plab sohalarda, jumladan, iqtisodiyot, ta'lim, sog'liqni saqlash, moliya, va ijtimoiy sohalarda muhim o'rin tutmoqda va undagi sodda sintaksis, keng kutubxonalari va faol dasturchilari tomonidan yaratilgan qulayliklar veb va ilova dasturlarini ishlab chiqishda va turli startap loyihalarda asosiy va qulay tanlovga aylantiradi. Ushbu maqolada pythonning veb va ilova dasturlarini rivojlantirishdagi hissasini tahlil qiladi, kichik va o’rta biznes hamda startaplar uchun innovatsion va tejamkor texnologik yechimlarni qanday yaratishni ko’rsatadi. Ushbu tadqiqotda pythonning innovatsiyalarni rivojlantirish, ishlab chiqarish xarajatlarini kamaytirish va mahsulot yetkazib berish tezligini oshirishdagi ta’siri yoritilgan.