ICHKI ISHLAR ORGANLARI XODIMLARINING STRESSGA BARDOSHLILIGINING PSIXOLOGIK ASOSLARI

Abstract

Ichki ishlar organlarining xodimlari o‘z ish faoliyatida ko‘plab stressli vaziyatlarga duch keladilar. Ular jismoniy va psixologik bosimlarga qarshi turish, xavf-xatarlar bilan yuzma-yuz kelish, shuningdek, yuqori talablar va aqliy yukni boshqarish zaruriyatiga ega. Bunday sharoitlarda stressni boshqarish va stressga bardoshlilik ko‘nikmalarining ahamiyati juda katta. Stressga bardoshlilik – bu shaxsning stressli vaziyatlarga qarshi turish qobiliyati, unga moslashish va sog‘lom psixologik holatda qolishdir. Ichki ishlar organlari xodimlarining stressga bardoshliligini oshirish esa nafaqat ularning shaxsiy farovonligini, balki ular tomonidan ko‘rsatilayotgan xizmat sifatini ham yaxshilaydi.