XORIJIY INVESTITSIYALARNI JALB QILISHDA DAVLAT MOLIYAVIY BOSHQARUVI VA AUDITINING ROLI: SINGAPUR TAJRIBASI ASOSIDA O’ZBEKISTON UCHUN TAVSIYALAR.

Abstract

Ushbu maqolada xorijiy investitsiyalarni jalb qilishda davlat moliyaviy boshqaruvi va auditning strategik roli ko‘rib chiqiladi. Singapur va Janubiy Koreya kabi ilg‘or davlatlarning moliyaviy boshqaruv va audit tizimlari tahlil qilinib, ular asosida O‘zbekistonda ushbu sohalarni takomillashtirishga oid amaliy tavsiyalar ishlab chiqiladi. Maqolada davlat moliyaviy boshqaruvi va auditning investorlar ishonchini ta’minlash, moliyaviy resurslarni samarali boshqarish va korrupsiyaga qarshi kurashishda o‘rni yoritiladi. Singapurning shaffof byudjetlash tizimi va Janubiy Koreyaning strategik moliyaviy rejalashtirish tajribalari, shuningdek, ularning audit tizimlari O‘zbekiston sharoitida raqamli transformatsiya, mustaqil auditorlik institutini rivojlantirish hamda huquqiy barqarorlikni ta’minlash yo‘llarida asos sifatida ko‘rib chiqilgan. Tavsiyalar O‘zbekistonning investitsiya muhitini jozibador qilish va iqtisodiy barqarorlikni mustahkamlashga qaratilgan.