QURITILGAN MAHSULOTLARNI QADOQLASH VA SAQLASH

Abstract

Ushbu maqolada quritilgan mahsulotlarni qadoqlash va saqlash jarayonlari tahlil qilinadi. Qadoqlashning o'zi mahsulotning sifatini saqlash, saqlash muddati davomida uning o'zgarishini oldini olish va iste'molchiga qulaylik yaratishda muhim ahamiyatga ega. Maqolada quritilgan oziq-ovqat mahsulotlarini saqlashda ishlatiladigan zamonaviy qadoqlash texnologiyalari, materiallar va usullar haqida so'z boradi. Shuningdek, mahsulotning saqlanish muddati, xavfsizligi, iqlim sharoitlari va logistika jarayonlarida yuzaga kelishi mumkin bo'lgan muammolar ham o'rganiladi. Ushbu maqola qadoqlash va saqlash jarayonlarining samaradorligini oshirish, mahsulot sifatini yaxshilash va iqtisodiy jihatdan raqobatbatdosh bo'lishni istagan ishlab chiqaruvchilar va mutaxassislar uchun dolzarb ma'lumotlarni taqdim etadi.

 Dunyo aholisining doimiy o’sib borishi oziq-ovqatga bo’lgan talabni qondirish uchun mahsulotlar hosildorligini sezilarli darajada oshirishni talab qiladi. Mahsulot hosildorligi oshirilgandan so’ng ularni saqlash jarayoni yuzaga keladi. Mahsulot saqlanganda avvalo ularning tarkibi o’zgarmagan holatda saqlash kerak bo’ladi. Hozirgi davrda mahsulotlarni saqlashning bir necha xil usullari amalga oshiriladi. Shu bois mahsulotlar saqlanganda kam xarajat ,tabiiylikni butkul yo’qotmagan , saqlash va tashish uchun qulay bo’lgan usullarni amalga oshirish kerak.